Saturday, July 7, 2012

හදිසියේ මතුවූ දඹදිව

                              සුද්දන් විසින් සොයා කියවා
                              සුද්දන් විසින් පතුරුවා හැරී
                              අපුරු බෞද්ධ ඉතිහාසය
අඳුරු  අධිරාජ්‍යවාදී  යුගයක අධිරාජ්‍යවාදීන් විසින් දෝතින් පුදනු ලදුව වහල් මිනිසුන් විසින් තුටින් වැළඳ ගත් බෞද්ධ ඉතිහාසය අද පෙර අපරදිග විද්වතුන්ගේ විවේචනයට ලක්වෙමින් පවතී. නිවහල් යුගයක බිහිවෙන මිනිස්සු නිවහල් අදහසටම ගරු කරති.


මීට වසර 200  කට පමණ පෙර ඉන්දියාව වැදගත් ඉතිහාසයක් නැති ප්‍රශස්ත සංස්කෘතයක් නැති රටක් ලෙස සැලකිණි. එහෙත් බ්‍රිතාන්‍ය ජාතික සුප්‍රකට කවියෙකු වන Allan Cunningham ගේ පුත් Alexander Cunningham ගේ ප්‍රමුක දායකවත්යෙන් මෙය උඩුයටිකුරු කරන ලදී. නමුදු ඔහු විසින් ගොඩනගන ලද බුදු උපත භාරතයේ සිදුවිණි යන සංකල්පය පිළිගත නොහැකි ගැටළු පිරි  එකකි. 18 වන සියවසේදී කල්කටාවේ ASIATIC  සංගමයේ උගතුන් පවා බුදුන්වහන්සේ ඊජිප්තු,ඉතියෝපියානු හෝ දෙවියකු ලෙස සැලකිය. ඒ අනුව එදවස ඉන්දියාව බුදුන්වහන්සේ පිලිබඳ දැරූ ආකල්පය මැනවින් විදහා දැක්වේ.
(History What We Know, Dr. Chaiyong Brahmawong, PhD, (former Venerable Apinyano Bhikkhu), Senior Professor of Sukhothai Thammathirat Open University, Thailand)                                                                                                                          
 1812 දී Francis Buchanan විසින් බ්‍රහ්මනවරුන් පුදපුජා පවත්වමින් තිබු ගරා වැටුණු ගොඩනැගිල්ලක් බෞද්ධ සිද්ධස්ථානයක්  ලෙස නිගමනය කිරීමෙන් අනතුරුව පසු කාලීනව Alexander Cunningham එය බුද්ධගයා ස්තුපය ලෙස නම් කරන ලදී. ගරාවැටී තිබුණු එම ගොඩනැගිල්ලේ.පින්තාරු අදටත් එංගලන්තයේ පවතී. එම පින්තුරත්  අද ඇති බුද්ධගයා විහාරයත් සසඳා බලනවිටබ්‍රහ්ම විහාරයක් බෞද්ධ විහාරයක් බවට පත් කරන්නට බොහෝ ප්‍රතිසංස්කරණ කර ඇති බව පෙනේ.  (History What We Know, Dr. Chaiyong Brahmawong)


අදටත් ඉන්දියාවේ බුද්ධ ගයා විහාරය හින්දු කෝවිලක  ස්වරුපය නොවේදැයි බලන්න. එහෙත් මෙම ස්ථානය බුදුන්වහන්සේ  
බුදුවූ  ස්ථානය ලෙස සුද්දන්  නම් කලේ කුමන පදනමක සිට  දැයි සිතාගත නොහැක. අරියපර්යේෂණ සුත්‍රයෙන් පෙන්වන්නේ
බුදුන් බුදුවූ බෝධිය ගන්තීරයක ඇති  බවත්, එම පෙදෙස  වැලිවලින් ගහන වූ (උරුවෙලා ගන්තිරේ) තොටුපොළක් ඇති තැනක්
බවය. මහා පාලිවග්ගයෙන්ද මෙය සනාථ කරයි. ඉන්දියාවේ බෝධිය ඇත්තේ ගන්තීරයකද? අඩුම වශයෙන් ගඟක් තිබී වියලී ගිය බවටවත් කිසිම විද්යාත්මක සාක්ෂියක් නැත. අරියපර්යේෂණ සුත්‍රයේ සඳහන් කිසිම විස්තරයකට එය සමාන නොවේ.

1820 දී බ්‍රිතාන්‍ය හමුදා නිලධාරියකු වන කපිතාන් O Fell මහ කැලයක් මැද තිබී සාංචිය  සොයා ගනු ලැබීය. නිරන්තරයෙන්  සාංචිය නැරබීමට ගිය කපිතාන්වරයා එහි අලංකාර කැටයම් සහිත නොයෙක් අංගයන්ද, කුලුණුද, කිසියම් ආගමකට අයත් මනාව පිලිබිබු කරන ලද කතා වස්තුන්ද දැක සාංචිය බෞද්ධ නටබුමක් යයි විශ්වාස කළේය. චිත්‍ර ශිල්පී william Simpson කරන ලද එංගලන්තයේ ඇති එම මුල් අවධියේ වූ සාංචියේ රුප බලන විට, සාංචිය බෞද්ධ සිද්ධාස්තානයක දැයි සීතා ගැනීම අපහසු  කරුණකි. එම මුල් (original) සාංචියේ පින්තාරු දෙස විමසිල්ලෙන් බලන්නෙකුට එහි පුර්ණ නිරුවත් ගැහැණු රුප දැක ගත හැකිය.
රාගය අවුස්සන එවැනි රුප අන්තර්ගත වීම තුලින් පෙනෙන්නේ සාංචිය කිසි කලකත් බෞද්ධ සිද්ධස්ථානයක්ව නොපැවතුන  බවය. අද අප දකින්නේ බෞද්ධ සිද්ධස්ථානයක් ලෙස පසු කාලීනව බොහෝ ප්‍රතිසංස්කරණ ලද සාන්චියයි
(History What We Know, Dr. Chaiyong Brahmawong)


සාංචිය සම්බන්ධයෙන් කරුණු ගෙනහැර දක්වන ගත්කත්වරයකු වන John Keay වීමසන්නේ, සාංචිය බෞද්ධ සිද්ධස්ථානයක්
නම් අද බෞද්ධ අනුගාමිකයන් සිටින්නේ කොහෙද යන්නයි. අද ඉන්දියාවේ හැරුණකොට මුළු ආසියාව පුරාම බුදුදහම ව්‍යාප්තව
පවතී. නමුත්  ඉන්දියාවට  බුදු දහම ආගන්තුක   ධර්මයක් වී ඇත්තේ බුදුදහම කිසි කලෙකත් ඉන්දියාවෙන් බිහිනොවුණු ආගමක්
නිසාය. ඉන්දියානු ඉතිහාසය පුරාම සියලු ආගම් අභිබවා තිබුනේ හින්දු ආගමය. ජනයා මුලාකරමින් බුදුදහම ඉන්දියාවෙන් බිහිවුන
ආගමක් ලෙස ලෝකය ඉදිරියට ගෙන යාමේ වරද  1912 - 1867 වකවානුවේ රාජකාරි කල බ්‍රිතාන්‍ය ජාතික පුරාවිද්යාඥයන් වන
Alexander Cunningham, James Princep, Briyan H Hodgson, Francis Buchanan, George Turnour භාර ගත යුතුය   . 
(History What We Know,Dr. Chaiyong Brahmawong)


මෙම කතාව කොතරම් සත්‍ය දැයි වැටහෙන්නේ ඉන්දියාවේ ඉපැරිණි මහා පුරාන කියවන්නකුටය. ඉන්දියාවේ  මහ පුරාන ග්‍රන්ථ 18 කි.
එහි ලියවීඇත්තේ හින්දු දහම සහ පැරණි ඉන්දියාවේ ඉතිහාසයයි. නමුදු බුදු දහම ගැන ලියවුන කිසිම ඉපැරිණි ග්‍රන්ථයක්  ඉපැරිණි ඉන්දියාවෙන් සොයාගත නොහැක. එම ඉපැරිණි ඉතිහාසය ලියවුනු කිසිම ග්‍රන්ථයක බුදුන්වහන්සේ කෙනෙකු ගැන කිසිම සඳහනක් නැත.  බුදුන්වහන්සේලා  4 නමක් බුදු වුනි  යයි  කියන ඉන්දියාවේ සැබෑ තතු එලෙසය.. සියල්ල කණපිට පෙරලා ඇත්තේ සුද්දන් ආසියාව ආක්‍රමණය කිරීමෙන් පසුය, (ලංකාවේ මහාවංසය ඉංග්‍රීසියට පෙරලූ)  භාරගත යුතු බවය.
එදවස සිටි ලාංකිකයන්ගේ පිළිගැනීමක් නොතිබුණු  මහාවංසයයේ  පරිවර්තනයටද, George Turnour  බොරු කඳු ගණන් එකතු
 කර  ඇත. සැබෑ ඉතිහාසය සොයායාමේදී කල යුත්තේ සුද්දන්ගේ පොත් සහ ඔවුන්ගේ පරිවර්තන පොත් පසෙකලා  මුල්පිටපත (original) සහ  තමන්ගේම  රටේ අය ලියා ඇති පොත් කියවීමය.

සුද්දන් ලියාදුන් බෞද්ධ ඉතිහාසයේ පෙරමුණ ගෙන කටයුතු කලේ  Alexander Cunningham ඔහු විසින් 1834.54 කාලයේදී
භාරතයේ  බිල්ශා, සාංචි, සාරනාත්  යන ස්ථාන වල කරන කැනීම් වලින් සොයාගත් යම් යම් දැනුම මත එලබුන නිගමනය අනුව 1867 දී බුදුන්වහන්සේ ඉන්දියාවට උරුම කොට පොත  පත ලියන ලදී. බෞද්ධ දර්ශනය, බෞද්ධ ඉතිහාසය, බෞද්ධ සංස්කෘතය මාගධී භාෂාව ගැන මනා දැනුමක් නොතිබුණු, එමෙන්ම කිසිදිනක  සුත්‍ර පිටකයක් කියවා නොතිබුණු සුද්දන් අතින් මෙවැනි  වරදක් සිදුවීම පුදුමයක් නොවේ, ආසියාවේ තිබු බෞද්ධ රටවල් බොහොමයක්ම එංගලන්තයට යටත්ව සිටි බැවින් මෙම ප්‍රතිසංස්කරන ලද නව බෞද්ධ ඉතිහාසය ලැව්ගින්නක් ලෙස පැතිර ගොස් තිබේ. එහෙත් මෙම නව බෞද්ධ ඉතිහාසයට එරෙහිව 1890 කාල වකවානුවේදී  බෞද්ධ ජනතාව උද්ගෝෂණ පවත්වා තිබේ.. තායිලන්තයේ වට්මහනපරම් පන්සලේ අත්පුජනිය ප්‍රා ධම්මචේදී හිමියන්
ඊට එරෙහිව පොත් පත් ලිය තිබේ. මෙම  වකවානුවේ ඉන්දියාවේ කාසි සිට පැමිණි 8 දෙනෙකුගෙන් යුත් කණ්ඩායමක් තායිලන්තයට පැමිණ  ත්‍රිපිටක පොත්  රැගෙන ගොසින් ත්‍රිටකයේ සඳහන් ආකාරයට නගර,ගංගා , කඳු ඉන්දියානු සිතියමේ ලකුණු කර නැවත ගෙනවිත් පෙන්වූ බව තායිලන්තයේ පොත්පත සඳහන් කරන බව දැක්වේ.   එමෙන්ම තායිලන්තයේ   මහාචාර්ය ප්‍රීදී කසේම්ස්ප් මහතා  පවසා ඇත්තේ  බොහෝ වයසක පිරිස් මේ සම්බන්ධයෙන්  ඉතා කනස්සල්ලෙන් ජීවත් වූ බවය. 
(History What We Know, Dr.Chaiyong Brahmawong)   


ලංකාවේද එකල ජීවත්වූ හිමිවරු බුදුදහම ඉන්දියාවෙන් උපන් ආගමක් ලෙස පිළිගත් බවක් නොපෙනේ. මෙම බොරුව  බොහෝ
සෙයින් කරපින්නා ගෙන යන්නාවූ  පිරිසක් බිහිවෙන්නේ 1925 න්  පමණ පසු පාසල් අධ්‍යාපනය ලැබූ පිරිස් වලින් බව පොත පත
ඉතිහාසයෙන් සොයා ගත හැක

අසෝක රජගේ යයි විස්වාශ කරන ගිරිලිපි  සියල්ලම සොයාගනු  ලැබුවේ ඉංග්‍රී‍රීසි ජාතිකයන් වන අතර ඒවා පිටපත් කර එහි අඩංගු
 කරුණු පරිවර්තනය කර දෙනු ලැබුයේද ඉංග්‍රී‍රීසි ජාතිකයන් විසිනි. මේ සම්බන්ධයෙන්ද මුලිකයාවී සිටියේ  Cunningham. එහෙත් ඔහුගේ ගිරිලිපි පිටපත් කිරීම් වල බ්‍රාහ්මීය හෝඩියේ  නොමැති අක්ෂර ගණනාවක්ම ඇති බව අද තහවුරු කර තිබේ.( Asoka Tams Wikipedia)
බ්‍රාහ්මීය අක්ෂර හෝඩිය දන්නා ඕනෑම කෙනෙකුට එම වැරදි දැක බලාගත හැකිය. හෝඩියේ නැති අකුරුද එකතු කරගෙන
Cunningham  කියවාගත්තේ මොනවාදැයි සලකා බැලීම වටි.
විශේෂයෙන්ම 13 වන ගිරිලිපියේ දුත කණ්ඩායම් යැවූ ප්‍රදේශ  ලෙස.මෙහි,අතෙෂු, අතියොගේ, තුලමය, අන්තෙකිනේ,
මකා.අලික්යසුදලේ, චොඩ, පඬිය, තාම්රපන්නි (දකුණු ඉන්දියාවේ), යොන,කම්බොජ, අධ, පාලද, නාහක,නාහපතිභෝජ, පිති යනාදියවේ. මෙහි  . ඉන්දියාවේ තාම්රපන්නි ලංකාව ලෙස අරගෙන තිබේමේ රට දකුණු ඉන්දියාවේ හෝ අසෝකගේ යටත් විජිතයක්ව නොපැවතිනි. එහෙත් වඩාත්ම හාස්‍ය ජනක දෙය නම් මෙම සෙල්ලිපියේ ඇත්තේ බුද්ධ ධර්මය රැගෙන ගිය දුත කණ්ඩායම් ගැන නොව  වෛද්‍ය ආධාර කණ්ඩායම් (medical help) රැගෙන  ගිය දුත කණ්ඩායම්  ගැනය
( Reestablishing the Date of Lord Buddha, S Knapp) අද මහාචාර්යවරුන් විසින් මේවා නිවැරදි කර තිබියදීත් අදටත් බොහෝ පිරිස් අසෝක ගිරිලිපි කියවා ගන්නේ Alexander Cunnigham කියාවාගත් ආකාරයටය.

ලුම්බිණියේ සෙල්ලිපිය සොයගනුයේ cunningham ගේ මරණින් පසුය. එයද ඒ 1896 දීය . එය සොයාගනු ලැබුයේ බ්‍රිතාන් රජයට
රාජකාරිකල ජර්මන් ජාතික Alois Anton Fuhrer විසිනි. ඔහු නම් දරාපු තක්කඩියෙකි. ලුම්බිණියේ ඇති එම සෙල්ලිපිය Fuhrer විසින්ම කොටා  ඇති  බව ඔහුගේ සමකාලීන පුරාවිද්යාඥයන් විසින්ම් සනාථ කරතිබේ. එකලවයඹ පළාත භාර ආණ්ඩුකාරවරයාගේ ලේකම්වරයා විසින් මධ්‍යම ආණ්ඩුවට ලිපියක් සපයමින් පවසා ඇත්තේ Fuhrer විසින් පුරාවිද්යා කැනීම් වලින් සොයා ගත් කිසිවක් සාධාරණ පරීක්ෂණයකින් තොරව පිළිගත නොහැකි බවය, එහෙත් ඔහුට එරෙහිව සාක්කි දෙන්නට සිටිය ප්‍රධාන සාක්ෂිකරු Peppe හදිසියේ අත්භූත ලෙස ලෙඩවී පසුව මියයාම නිසා අදවෙනතුරු  මේ සම්බන්දයෙන් කිසිම සාධාරණ පරීක්ෂණයක් කර නොමැත. මේ තක්කඩිකම සදහා ඔහු හවුල් කරගෙන ඇත්තේ නේපාල ජාතික Khadga Shamsher. මෙම නේපාල  ජාතිකයා නේපාලයේ එක අගමැතිවරයකු ඝාතනය කොට තව 2 නකු ඝාතනය කරන්නට තැත් කර පසුව ඉන්දියාවට පැනගිය අයෙකි
( Lumbini on Trial, T.A.Phelps)                                                  
එමෙන්ම මෙම සෙල්ලිප්යේ අර්ථයක් නැති වචන ඇත්තාසේම ටැම් ලිපියේ 2 පේලියේ 4 වන වචනය ශාක්‍ය මුනිති ලෙස කියව ගනු ලැබුවද
එහි සත් ලෙසම ලියා ඇතතේ  "සයමුනිති" යන වචනයයි. 

බුදුන්වහන්සේ ඉන්දියාවේ ජීවත් වුන බවට ඉන්දියාවේ පැරණි පොත පත වල ලියා නොමැති බැවින් බුදුන් වහන්සේ ජීවත් වුන වකවාණු ගැන ඉන්දියාවට බර පතල ගැටළු මත්වී තිබේ. ඉංග්‍රීසි ජාතිකයින්  ඉන්දියාව ක්‍රමණය කරන්නට පෙර ඉන්දියානුවන් තම ඉතිහාසය කියවා ගත්තේ බොහෝවිට ඉපැරිණි පොත පත වන මහා පුරාන ග්‍රන්ථ ආධාරයෙනි.


ඉන්දියාවේ පුරාණ ග්‍රන්ථ  උපකාරයෙන්  ඉන්දියාවේ මගධ ලෙස නම් කර ඇති  පෙදෙසේ  රාජ නාමාවලිය සොයා ගත හැක.


ඒඅනුව මහා භාරත යුද්ධය තිබුණු කාලයේ එහි පාලකයා වුයේ Somadhi හෙවත් Marjari ඔහුගේ රාජ පරම්පරාව රජවරුන් 22 නෙකුගෙන් යුක්ත වන අතර එම කාලය වසර 1006 දක්වා පැතිරේ. ඉන් අනතුරුව Pradyota රාජපරම්පරාව වසර 138 දක්වා දිවයයි.
එම පරපුරේ රජවරු 5 දෙනෙකි. ඉන්පසු වසර 360 කාලයක් පූරා රජවරුන් 10 නෙකුගෙන් යුත් Shishunag පරම්පරාව රජකරනු ලබයි. .
Kshemajith  මෙම පරම්පරවේ 4 වෙන්නා වන අතර ඔහු රජ කරන්නේ කි.පු 1892 - 1852 . මෙම 4 වැනියා වූ රජ  එකල නේපාලයේ සිටි
බුදුන් වහන්සේගේ  පියාට සමගාමිකයා වියයුතු යයි ගණනය කරනු ලබයි . එසේ ගණනය කරනු ලබන්නේ බුදුන්වහන්සේ කෙනෙකු
භාරතයේ සිටි බවට කිසිම පුරාණ ග්‍රන්තයක හෝ පැරණි ඉන්දියානු පොතක ලිය නැති නිසාය. මෙම රාජ වංශයේ 6 වෙනියා Ajasthru ඔහු පාලනය  කරන්නේ  කි.පු. 1814 - 1787 කාලවලය. මේ අනුව බුදුන් වහන්සේ ජීවත්ව ඇත්තේ කි,පු 1858 - 1807 කාල වක වනු වල බව
ගණනය කරනු ලබයි. එනම් මෙයට වසර 3860 (2012+1858) පෙර බුදුන් උපන් බවය, (Some Blunders of Indian Historical Research , p 189,  p . N . Oak ) එහෙත් බුදුන්වහන්සේගේ 2600 වැනි සම්බුද්ධ ජයන්තිය අප සැමරුවේ මේ වසරේය

ඉන්දියාවේ භගවත පුරාණය සහ කලියුරජවෘතාන්ත වලට අනුව බුදුන්වහන්සේ Ikshvaku  රාජ පරම්පරාවේ 23 වියහැකි බවත්
Ajasathru  රජ මිය යනවිට බුදුන්වහන්සේ ගේ වයස අවු 72 බවත් එය කි.පු. 1814 දී බවය. (Yuga පුරාණ, Pandit Kota Venkatachalam).
Prof . K . Siriniwasaraghavan පවසන්නේ බුදුන්වහන්සේ කි.පු.1880 පමණ ජීවත්වූ බවය
(Chronology of Ancient Bharat , part 4. chapter 2)

තාරකා ශාස්ත්‍ර Swami Sakhyananda පවසා  ඇත්තේ බුදුන් වහන්සේ Kruttika  කාල වකවානුවේ එනම් කි.පු. 2621 - 1661 කාලයේ
සිටිය යුතු බවය. අනුව බලනවිට ලෝකයාට බුදුන්වහන්සේ කෙනෙකු සිටිය බව වසර 1300 ක් අමතක වී තිබුණු බවත් වසර
1300 කට පසු හදිසියේ බුදු කෙනෙකු සිටි බව මතක් වී  ඇති  බවය, එසේම බුදුන් පිරිනිවී වසර 218 කාලයේ  ඉන්දියාවේ මෞර්ය
රාජවංශික අසෝක රජු  සිටි බවට අපේ වංශකථා කියතත් ඉන්දියාවේ පුරාන ග්‍රන්ථ වලට අනුව සහ ග්‍රීක සංචාරක Megasthenes ගේ
 වාර්තා අනුව එම කාල වකවානුව්වේ ජීවත්ව ඇත්තේ ගුප්ත රාජවන්ශිකයන්ය. අපේ මහාවංශ ටිකාව George Turnour විසින්
පරිවර්තනය කර ලබාගත් තොරතුරුද ඉන්දියාවට  ආදේශ කරන්නට ගොස් ඉන්දීය ඉතිහාසය විනාස කර ඇති බවට චෝදනා
ඉන්දියාවෙන්ම ලැබී තිබේ.

වසර සියයකට අධික කාලයක සිට ඉන්දියාවේ ඉතිහාසය Sherlock Holmes   ගේ   හෝ Hercules Poirot  ගේ අභිරහසක්  ලෙසට හොල්මන් කරමින් තිබේ. ඉන්දියානු ඉතිහාසයේ  කාල වකවානු ගණනය කිරීමේදී ඉන්දියානු ඉතිහාසඥයන් අදටත් මේ ගැටලුවට මුහුණ දී තිබේ( Reestablishing the Date of  Lord Buddha , Stephen Knapp) එහෙත් නාඩි වාක්‍ය ශාස්ත්‍රයට අනුව සිදුහත් උපත සිදුවී ඇත්තේ කලියුගවර්ෂ 2418 හි වෙසක් මස පුණු පොහොලත් ඉරිදා උදයාදී එකලොස් පෑ විනාඩි හතරටය.
( සිද්ධාර්ථ බුද්ධ චරිතය, බලන්ගොඩ මෛත්‍රී හිමි. p 314).   

කි.. 2012 යනු කලියුග වර්ෂ 5112 . එනම් බුදුන් වහන්සේ ඉපදී ඇත්තේ මෙයට වසර ( 5112- 2478) =2634 කට පෙරය. එනම් කි.පු.  622  . (2634 - 2012 = 622). එමෙන්ම අපේ සෙල්ලිපි මගින්ද
බුදුන්වහන්සේ කි.පු. 6 වන සියවසේදී බව තහවුරු කල හැකිය. ලංකාවට නම් බුදුන්වහන්සේ කි.පු 6 සියවසේ වීම ගැටළුවක් නොවේ.                                                                       
බුදු දහම ඉන්දියාවෙන් බිහි නොවුන දහමක්  බවට පෙර අපරදිග ආචාර්ය මහාචාර්ය වරුන් ඉදිරිපත් කර ඇති කරුණු.

-බුදුන්වහන්සේ ඉන්දියාවේ සිටි බවට ඉන්දියාවේ පැරණි පොත පත සාක්ෂි නොදැරීම.  

-ජීවමාන බුදුන්ට හෝ එකල ජීවත් වූ සංඝයා වහන්සේලාට ලෙනක් වෙහෙරක් විහාරයක් පුජා කල බවට කිසම සෙල්ලිපියක් සොයා ගත නොහැකි වීම.  

-බුදුන් වහන්සේ ජීවත්වූ කි.පු. 6 වන සියවසෙන් කිසිම සාක්ෂියක් ඉන්දියාවෙන්  සොයා ගැනීමට  නොහැකි වීම.

-බුදුන්වහන්සේ දුපත් රාජ්යක උපන් බව පැරණි පොත් පත් පුස්කොල  පොත් සාක්ෂි දැරීම.

-ලුම්බිණි සෙල්ලිපියේ බුදු උපතක් ගැන සඳහන් නොවීම. එම සෙල්ලිපිය සොයා ගත් Anton Fuhrer  වංචාකාරී  පුද්ගලයෙක් බව සනාත වී තිබීම.  

-සුත්‍රපිටක වලට අනුව බුදුන් වහන්සේ සල් ගසක් යට ඉපදුනායයි කීවත් නේපාලයේ අසෝක ගසක් තිබීම.

-මගධි භාෂාව ඉන්දියාවෙන් උපන් භාෂාවක් බව පිළිගැනීමට සාක්ෂි නැති වීම. අසෝක සෙල්ලිපි වල පවා ඇති භාෂාවේ මුලය සංස්කෘත  වීම

-Aleander Cunningham බොහෝ සෙල්ලිපි වරදවා පිටපත් කර ගැනීම සහ වැරදි අර්ථකතනයන් එකතු කර තිබීම.

-අසෝක ගිරි ලිපි 4 හි සියවස් ගණනක් මෙවැනි ධර්මයක් අසා නැති බව සඳහන් කර තිබීම. මේ ලිපිය ලියනවිට ආසන්න වශයෙන්  බුදුන් පිරිනිවී වසර 218 කි. 2 වැනි සංඝායනාව තබා සියවසකි.

-බුදුන් උපන් දේශය වරින් වර ග්‍රීසියේ ආක්‍රමණයට ලක් වුන බව බෞද්ධ ඉතිහාසයේ සඳහන්නොවීම. නමුත් ඉන්දියාව වරින් වර ග්‍රීසියේ
ආක්‍රමණයටලක්ව තිබීම.

-සුත්‍ර පිටකවල විස්තර කෙරෙන විස්තරවලට ඉන්දියාවේ බුදුන් උපන්, බුදුවුන, ප්‍රථම ධර්මදේශනාව, පිරිනිවන් පෑ ස්ථාන සහ අනෙක්
බොහෝ ස්ථාන සමාන  නොවීම. විශේෂයෙන්ම ප්‍රධාන ස්ථාන අතර දුර අදහා ගත නහැකි තරම් දුරින් වැඩිවීම.

අසෝක රජු 3 වන සංගායනාවක් කල බවට, රජට සංඝමිත්තා මිහිදු කියා දරුවන් දෙදෙනෙකු සිටි බවට, ලංකාව තායිලන්තය වැනි බෞද්ධ රට වලට ධර්ම ‍ප්‍රචාරණය බවට   ගිරි ලිපි හෝ  ඉන්දියාවේ පැරණි පොත පත්හි සාක්ෂි නැති වීම. අසෝක රජගේ බෞද්ධ කම සම්බන්ධයෙන් ගැටළු මතු වීම.  මෙයට  ප්‍ර‍ධාන  සාධකයක්  වන්නේ  බුදු දහම වැළඳ ගත් පසුද  සංඝයා වහන්සේලා විශාල ප්‍රමාණයක් ඝාතනය කිරීම, සහ සෙල්ලිපි වල සඳහන් නීති රීතියඋදාහරණ වශයෙන් සතුන් තෝරා බේරා මැරීමට හැකි අමුතුම නීති පද්ධතීන්  ගිරි ලිපි වල සඳහන් වීම. 

-බුදුන්වහන්සේ සහ සංඝයා වහන්සේලා ලෙන්වල වසරකට වැඩි කලක් ගත කල අවස්ථා බෞද්ධ ඉතිහාසයේ දැක්වේඋතුරු ඉන්දියාවේ හෝ නේපාලයේ හිමාලයට ආසන්නව හිස මුඩු කරගත්, දෙසිවුර හැඳ ගත්. පාවහන් නොමැතිව සීත කාලයේ වැඩ විසීම ආශ්චර්යමත් කරුණක් වීම.

-බුද්ධ දේශයේ සඳහන් වන විවාහ, දරු ප්‍ර‍සුතියේ දී අනුගමනය  කෙරෙන චාරිත්‍ර (දරු ප්‍රසූතිය‍ සඳහා දෙමව්පියන් වෙත යාම),


-කෘෂිකාර්මික චාරිත්‍ර ආදිය ඉන්දියාවේ චාරිත්‍ර නොවීම. බුදුන් උපන් දේශයේ වාරි කර්මාන්තයෙන් කුඹුරු අස්වැදීම් සහ ප්‍ර‍ධාන කොට
බත් සහ හොදි අනුභවය කරන සංස්කෘතියක් තිබුනත් ඉන්දියාවේ ප්‍රධාන අහාර රොටි වැනි  ආහාර  විශේෂයි. ඉන්දියාවේ වැව් නොමැත.

බුදු කෙනෙකු පිටදුන් බෝධියක් කාන්තාවක් විසින් කටු ගසා ගිනි තියා විනාශ කිරීම හාස්යට කරුණක් වීම.

බුදුවරු 4 නමක් සිටි රටක් ලෙස කීවත් ඉන්දියාවේ මුළු ඉතිහාසය පුරාම  ලෝකය මවන ලද මහා බ්‍රහ්ම සංකල්පයක්, හින්දු දහමක් ප්‍රධාන දර්ශනය ලෙස පැවතීම.

ලෝකයේ අනෙක් සියලුම බෞද්ධ රටවලට වඩා බුදුන් උපන් රටේ බෞද්ධ සිද්ධස්ථාන අඩුවීම සහ බොහොමයක් ඒවාද හින්දු කෝවිල් වලට සමාන වීම.

Cunningham ගේ Fuhrer ගේ යුග වලට වඩා අද විද්‍යාව සහ තාක්ෂනය දියුණුය. අද ප්‍රශස්ත සන්නිවේදන  මාර්ග තිබේ.
අන්තර්ජාලය ඔස්සේ ලොව පුරා ඇති පොත පත කියවා ගන්නා මිනිස්සු අන්ධානුකරණය වැළඳ නොගනිති.

මුලාව නමැති මහ සයුරේ සත් සොයා කිමිදෙන මිනිස්සු බොහෝ සෙයින් නිර්භයය. ඔව්හු සම්ප්‍රදායට, ප්‍රභූ නාම වලට, ප්‍රසිද්ධ රාජ්‍ය
නාම වලට බිය නොවෙති. එබැවින් සත්‍යය, සත්‍යක්ලෙස සත්‍ය වශයෙන්ම කල් නොඉක්මව මතුවනු ඇත. මන්දයත් සත්‍ය සදා කල්හිම සත්‍යට යට නොවන බැවිනි.
 (සැකසුම සුභාෂිනී කුමාරි )

12 comments:

  1. Hi All,
    My Singhala typine skill is not too gud,If you can please give me All the as hewagesupun@yahoo.com or supunh@Unionapp.com (my official address)... (Love you all - Love my country) SUPUN

    ReplyDelete
    Replies
    1. Would you please let us know exactly which materials you want?

      Delete
  2. පට්ට මෝඩයා .. මේ වලිගෙ පාගාගෙන තව අනිත් අයවත් මුලාවට පත් කරන්න එපා. පොඩ්ඩක් හොයල බලන්න මේ තියෙන්නේ ඉන්දියාවේ වාරි පද්දතිය
    http://www.greatmirror.com/index.cfm?navid=169
    මේ තියෙන දේවල් ගොඩක් පට්ට කෙප්ප ..

    ReplyDelete
    Replies
    1. This comment has been removed by the author.

      Delete
  3. ඉන්දියාවේ ගිහින් දැකලා තියෙනවද , වවන හැටි ඒ අයගේ ප්‍රධාන ආහාරය චපාති මිස බත් නොවේ, ඒකයි ලියල තියෙන්නේ. මේ කරුණ ලියලා තියෙන්නේ තායිලන්තයේ විවුර්ත විශ්ව විද්‍යාලයේ මහාචාර්ය වරයෙක්. ඉන්දියාවේ වැවක් පෙන්වන්නකෝ බලන්න. අපේ රටේ වගේ වැව් පදනම් කර ගත්ත වාරි කර්මාන්තයක්

    ReplyDelete
  4. ඉන්දියාවේ වාරිකර්මාන්තයෙන් වී වගාවද බහුලව අස්වද්දන්නේ. සිංහල තේරෙන්නේ නැත්නම් ඉගෙන ගන්නවා ගුරුවරයෙක් ලඟට ගිහින්.ඉන්දියාව ලෙව කාපු ගමන්මයි ඉන්නේ. දකුණු ඉන්දියාවේ ලේ කලවම් වෙලා.

    ReplyDelete
  5. ඔබ ගේ ප්‍රයත්නය නිබදවම අගයමි. පරගැති මාන්නයක් හෙබි අපේවුන් පරගැතියන්ටම ආවඩනවා හැරෙන්නට දෙඇස් පාදා නොගනී. සියල්ල අනිච්චය​. අපි කැමති සේ නොවේ, එසේ කිරීමට වෙර දැරීම වෙහෙසකි. ඒ වෙහෙස පවා නොතකා මහා ශක්තියකින් උඩුගම් බලා යන්නේ ඔබ, අපගේ උරුමය රැක ගනු නියාමය​. ඉන්දියාව පිළිලයක් බඳුය​. එහි අපෙන් අවශෝශ කරගත් දේ යම් පමනකින් නැත්තේ නොවේ. කැවුම්, කිරිබත්, බත් කන අය​, වැව් ද ඉතා සුලු වශයෙන් ඇති. විවිධ ප්‍රාන්ත වල​. නමුත් ඒ සුලු බව අපේ මෙන් සියල්ල නොවේ. අපේ සැබැව අපේ උන්ට පිලිකුළකි. අපි අවජාතක බව කීම උන්ට නම්ඹුවකි. අපිට නැතිවූ අපෙ මව පියා වන අමා මෑණි, හා බුදු පිය යන දෙදෙනාගෙ දරුවන් අපිය යන්න කීමට නම් එක්කෝ අපටත් සිත දියුණු කර ප්‍රාතිහර්‍ය දකවා මානය බිඳින්නට සිදුවේ. ඔබ විසින් සොයන භෞතික සාක්ශි, දෙස බහුතරය නොබලාම සිනාසෙයි. නොවිමසාම සුද්දාගෙ මත පිළි ගනී. සුද්දාගෙන් උගත් පඩියන් උනඳුවක් නොදක්ව යි. නමුත් ඔබගේ උත්සහය තවත් පණ පොවා ගෙන ඇතිය​. එයට දිරි දෙමි. - එස්.හේරත්

    ReplyDelete
  6. ඔබේ උත්සාහය අගයමි

    ReplyDelete
  7. How can we find the correct history?

    ReplyDelete
  8. http://www.life-alonguniversity.com/buddhabirthplace/pdf/budhasumeng.pdf

    ReplyDelete
    Replies
    1. palamuwa Alexander Cunningham wisin yatath wijtitha yugaye liyana lada purawidya wartha kiyawanna. inpasu pujawaliya athulu lankawe pothwala liyawee athi dambadiwa wisthara kiyawaa sansandanaya karanna -

      Delete