Monday, June 4, 2012

මහාවංශය හා සුද්ධන් ඇටවූ ඉතිහාසය

බුදුන්වහන්සේ හෙලදිව පහල වූ බව ඉස්මතු කර නොදක්වා ඇත්තේ ඇයි දැයි යන්න බොහෝ දෙනෙකුට ගැටලුවකි. මහාවංශයේ ඉතිහාසය ගැන මදක් විමසීමක් කරමු.
 

ඇතුන් ගනන් උසට ලියා තිබූ අපේ හෙල අ‍ටුවා හදිසියේම ගිනිගන්නේය. එය නොරහසකි. තවද විශේශ කරුන නම් ලංකාවේ මහාවංශය ලිවීමට පැමිනෙන්නේ ඉන්දීය හිමිනමකි. වෙනත් රටක කෙනෙකු විසින් තවත් රටක ඉතිහාසය ලිවීම කිනම් හාස්‍යක්ද?
‘පොරාණෙහි කතොපෙසො අතිවිත්‍ථාරිතො’ යනාදි වශයෙන් මහාවංසය කරමින් කතුවරයාණන් වහන්සේ කියා සිටිනසේක. එම ගාථාව විවරණය කරමින් ටීකා කතුවරයා කියන්නේ ‘මේ මහාවංසය පූරාණාචාර්යයන් විසින් ද කරන ලදැයි සම්බන්‍ධ කටයුතුයි. අසා දැනගත් කරුණුත්, එය අති විස්තරාදි දෝෂයන් ද, දේශ භාෂාව ද බැහැර කොට ලියමි’ කියා ය. සංක්‍ෂිප්ත කිරීම කිනම් අයුරින් කළාදැයි අපට නිශ්චිත ව කිව නොහැකි වුව ද මහානාම හිමිට විරුද්ධ ව පාශානදීපවාසී උපතිස්ස තෙරුන් ඒ කාලයේදී ම අරගල කළ බව නම් ටීකාවේ සඳහන් ය.

මහානාම හිමි මහාවංශය පාලියට පරිවර්තනය කරද්දී උපතිස්ස මහ තෙරුන්වහන්සේ මහා නාම හිමිව එලවා දැමූ බවට සදහන්ව ඇත. ඒය හේතුව වන්නේ මහානාම හිමියන් මහාවංශය පරිවර්ථනය කිරීමේදී වැරදියට පරිවර්ථනය කල නිසාය. සුලු වැ‍රැද්දකට මෙසේ පන්නා දැමීමට තරම් පෙලබෙන්නේ නැත. එසේනම් මහානාම හිමි සිදුකල පරිවර්ථන වැරදි සියල්ල නිවැරදි කර තිබේද යන්න මම දන්නේ නැත. මහානාම හිමි ඉන්දීය ජාතික කාලිංග වැසියෙක් නිසා අපේ ජාතිය විකෘතිකර ඉන්දියාවට පක්ශ බොහෝ දේ වැරදියට ලියා ඇතිබවනම් මහාවංශය පරිහරනයේදී පැහැදිලිය.

මහාවංශයට අනිත් හෙනේ වදින්නේ සුද්ධෝ ලංකාව ආක්‍රමනය කලාට පසුවය. ලංකාව ආක්‍රමනය කල විදේශිකයන් නිකන් හිටියේ නැත ඔවුන් අපට ඉතිහාසයක් සාදා දුනි. අප කුඩා කල සිට කඩපාඩම් කලේ ඒ සුද්ධෝ හදලා දුන්න ඉතිහාසයයි. ඒ ගැන නොදැනීමෙන්දෝ ලංකාවේ බුදුන්වහන්සේ වැඩ සිටි බව විදේශිකයෙක් කියන විට "අපිට සුද්ධෝ ලොකු නෑ"යි කීමට පුරුදු වී සිටී. නමුත් ඉන්දියාවේ බුදුන්වහන්සේ සිටිබව අපිට කියාදුන්නේ සුද්ධෝ බව ඔවුන් නොදැනීම කනගා‍ටුවට කරුනකි.
පාලි මහාවංශය ඉංග්‍රීසියට පරිවර්තනය කරන්නේ ජෝර්ජ් ටර්නර් විසිනි. ඔහු එය පරිවර්තයය කිරීමේදී බොහෝ වැරදි කර ඇති බව පෙනේ. පාලි මහාවංශයේ "හිද" යන වචනයක් ඇත. එහි තේරුම "මෙතන" යන්නයි. මෙතන යන වචනය ඉංග්‍රීසි පරිවර්තනයට ගත් ජෝර්ජ් ටර්නර් "මේ රට" හෝ "ලක්දිව"ලෙස ආදේශ කර ඇත. සිංහල පරිවර්තනය කලේ ඉංග්‍රීසි පොත බලාගෙන නිසා මෙතනට යන වචනයට "ලක්දිවට" යනුවෙන් යොදා ඇත. ඒ නිසා මෙතනින් "මෙතනට' ගෙනාවා යන්න "රටකින්" රටකට ගෙනාවා ලෙස ලියාගෙන ඇත. මෙසේ සුද්ධෝ වැ‍රැද්දු ඉතිහාසය කුඩා කාලයේ සිට ඉගෙන ගෙන සිටින ගිරාපෝතකයන් හට කිසියම් පුද්ගලයෙක් නිවැරදි ඉතිහාසය මෙය යැයි කියූ විට ඔහුට විරුද්දව විවිධ වැඩසටහන්,මඩ පෝස්ටර්,නින්දා,අපහාස පමනක් නොව අත පය එසවීමට පවා ලංකාවෙ සිට ඉන්දියාව කඩේයන කේවට්ටයන් පෙලබෙයි. කිසිම විමසීමක් කිරීමට හෝ හිත මෙහෙයවීමට ඔවුන්ට නුපුලුවන්ය. 


පාලි මහාවංශයේ රජවරු රජකම් කල දිනවකවානු නොමැත. එය ඉංග්‍රීසීයට පරිවර්ථනය කරන ලද මේ සුද්ධෝ ඔවුන්ට ඕන විදියට දින වකවානු හා කාලපරිච්චේද සකස් කල නිසා තාත්තට ප්‍රථම පුතා රජ වූ අවස්ථාද ඉතිහාසයේ බොහෝය. කොටින්ම කියතොත් ගැමුනු රජතුමාට අවුරුදු 400 පමන වන තැනුත් සුද්ධෝ දුන්න ඉතිහාසයෙන් අපිට සොයාගත හැක. එසේ වූ සුද්ධන්ගේ ඉතිහාසයෙන් ජන්බුද්වීය පිලිබදව 100% නිවැරදි සනාථ කල හැකිද?
 

යටත් පාලන යුගයේ ඉන්දියාවේ හා ලංකාවේ ඉතිහාසය සෙව්වේ සුද්ධෝ විසිනි. කැනීම් කරන ලද්දේ ඔවුන් විසිනි.ලංකාවේ ප්‍රථම පුරාවිද්‍යා කොමසාරිස් වූ H.C.B  බෙල් යන සුදු නිලධාරීන්ට ලංකාවේ ඉතිහාසය සෙවීමට භාර කර තිබූ නමුත් ඒ කෙසේ වෙතත් මිල කළ නොහැකි පුරාවස්තු පිටරටට පැටවීම සම්බන්ධයෙන් නම් ඔහු චෝදනා ලැබ සිටියහ. තව ද ඔහු විසින් අදටත් හෙළ ජාතියේ විශ්වකර්ම නිමැවුමක් වූ සීගිරියේ මුල් යුගයේ කැණීම්වලින් හමුවූ ගලමුදුනේ සිට පහළට බැසීමට තිබූ අබිරහස් පඩිපෙළ සහිත උමං මාර්ගය තුළ තිබූ වටිනා පුරාවස්තු සොයා ගැනීමෙන් පසු ගල මුදුනේ වූ මාර්ග ද්වාරය කොන්ක්‍රීට් දමා වසා දැමීමට නියෝග දුන් බව දන්නේ කීයෙන් කීදෙනා ද? H.C.B  බෙල් කොන්රින්ග්ටන් වැනි සුදු නිලධාරීන් අපගේ ම ඉතිහාස ග්‍රන්ථ කියවා ‘ගෝතමෝ ශමන’ (ගෞතම ශ්‍රමණයන්) වැනි වචන වැරදියට අර්ථ කථනය කරමින් ඔවුනට සිතුණ දේ ලියා දුන් ඉතිහාසයට වඩා වටිනා ප්‍රෞඪ ඉතිහාසයකට අප උරුම කම් කියන බව දැන් හෙළිදරව් වී ඇත. අනික ඔවුන් හෙලදිව නටබුන් ඇති ස්ථාන පිලිබද නොදැන සිට ඇත.
 

අනිත් කරුන නම් ඉන්දියාවේ ඉතිහාසයේ අඩුව වහන්නට ලංකාවේ මහාවංශය යොදාගැනීමය. හොදම උදාහරනය අශෝක රජුය. ඇත්තෙන් ම අශෝක රජ, රජ වූ කාලය ඉන්‍දියානු සාධක වලින් හරිහැටි ගණනය කිරීම දුෂ්කරය. අශෝක රජු ගැන ඉන්‍දියානුවන් දැනගත්තේ ද මහාවංසයෙනි."දෙවන පිය පියදසින" ලෙස ලියූ සෙල්ලිපි අශෝක රජුගේ සෙල තහවුරු කිරීමට යොදාගන්නේ ලංකාවේ මහාවංශයයි. අශෝක ගැනවත් තහවුරු ගැනීමට නොහැකි ඉන්දියාවට සුද්ධෝදන,බිම්බිසාර,අජාසත්ත වැනි රජවරුන් ගැන සුද්ධෝ විස්තරයන් ඉදිරිපත් කරන්නේ හා මේ එම මාලිගා ලෙස පෙන්වන විට අපේ ඇත්තන්ට ඒවා ඇත්තය. ඒත් ඒක වැරදි ලෙස තවත් සුද්ධෙක් කියූ විට එය පිලිගැනීමට අපේ ඇත්තන්ට නොහැකිය.
ඉන්දියාවේ අශෝක ආකෘති සොයා ගන්නේ සුද්ධන් විසිනි. අපේ ඇන්ටිලා දබදිව සදහා ඉන්දියාවට යන්න පුරුදු වෙන්නේ ඉන් පසුවය. මහා පරිනිර්වාන සූත්‍රය මතක් වන්නේ එවිටය. නමුත් සුද්ධන්ට පෙර සිටි එක භික්ශූන්වහන්සේ නමක්, එක රජ කෙනෙක් දබදිව වන්දනා සදහා ඉන්දියාවට ගිය බවක් වාර්ථාවන්නේ නැත. කොටින්ම පංචමහා වාද කල හිමිවරුන් පවා ඉන්දියාවේ වන්දනාවේ ගිය බවක් සදහනක් නැත. උන්වහන්සේලට මහාපරිනිර්වාන සූත්‍රය අමතක වීම ගැටලුවකි.
 

සුද්ධෝ අපේ ඉතිසය සෙව්වේ අපිට ආදරයකට නොව පුරාවස්තු තන්හාවටය, එකල පුරාවස්තු ව්‍යාපාරය බොහෝ හොදින් කල බවට සාධක එමටය. තවද සමහරුන් ඒවා කලේ නයිට් පදවි ලබාගන්නටය. එවැනි කෙනෙකුගේ බොරු නේපාලය දැන් හෙලිවී අවසානය. සිවුර ලේ වලින් තෙත්වෙන්න සුමංගල හිමියන්ට වෙඩිතැබීමට පවා පසුබට නොවූ සුද්ධෝ කලේ ධර්මයට පහත් ලෙස නිගරු කිරීමටය. එසේවූ සුද්ධන් නිවැරදි බුද්ධෝත්පත්තිය සොයා දෙන්නේ කෙසේද? 

මෙසේ භාගෙට ඉතිහාසයක් අටවා ඇති බව ඕනම කෙනෙකුට තේරෙන සත්‍ය කරුනකි. එසේම එම ඉතිහාසය ඇටවූ සුද්ධන් පැරණි විහාර වලතිබූ "සන්නස්" සමහරක් තම රටට ගෙන ගියේය. එසේ ගෙන ගියේ ඇයිද යන්න මට ගැටලුවකි. ඒවා තවමත් ඔවුන්ගේ කෞතුකාගාරතුල තිබේ. එම සන්නස් තිබුනිනම් ජන්බුද්වීපය සෙවීම මෙතරම් අපහසු වන්නේ නැත. සෙල්ලිපි හා මහාවංශය ගැටෙන ස්ථාන විසදාගැනීමට ඒවා උපකාරී වන නිසාය. වාසනාවකට තවමත් ඉතිරි වූ සන්නස් අප සතු නිසා නිවැරදි ජන්බුද්වීපය විසදාගැනීමට අපට හැකිවිය.
මහවංශය ඉතිහාසය හැදෑරීමේ එක් මූලශ්‍රයක් පමනක් මතක තබා ගත යුතුය. සුද්ධන් වැ‍රැද්දූ ඉතිහාසය වහාම නිවැරදි කිරීමට කටයුතු කල යුතුය. එසේ නැතිනම් මතු පරපුර ඉතිහාසය ලෙස හදාරන්නේද එසේ අටවාගත් එකකි.

බුද්ධෝත්පත්තිය සිදු වූයේ මේ හෙලදිව බව සුද්ධන්ට සොයාගත නොහැකි විය. සමහර විට එය ඔවුන් දැන ගෙන සිට විකෘතිකලාද විය හැක.

සුද්ධන් අරන් ගිය සන්නස් නැවත ලංකාවට ගෙන්වා ගැනීමට කටයුතු කරන්නේනම් හොදය. මක්නිසාද යුරෝපයේ විනාශය ඇසිපිය ගසන සැනින් සිදු විය හැකිබවට මත ඵල වී ඇති නිසාය.

7 comments:

  1. "මහානාම හිමි මහාවංශය පාලියට පරිවර්තනය කරද්දී උපතිස්ස මහ තෙරුන්වහන්සේ මහා නාම හිමිව එලවා දැමූ බවට සදහන්ව ඇත"

    මේ කරුණ සඳහන් වෙන්නේ කොතැනද ???

    "මහානාම හිමි ඉන්දීය ජාතික කාලිංග වැසියෙක් නිසා අපේ ජාතිය විකෘතිකර ඉන්දියාවට පක්ශ බොහෝ දේ වැරදියට ලියා ඇතිබවනම් මහාවංශය පරිහරනයේදී පැහැදිලිය"

    මහානාම හාමුදුරුවෝ ඉන්දීයානු ජාතික කාලිංග වංශිකයෙක් වුණේ කොහොමද ???

    "කොටින්ම කියතොත් ගැමුනු රජතුමාට අවුරුදු 400 පමන වන තැනුත් සුද්ධෝ දුන්න ඉතිහාසයෙන් අපිට සොයාගත හැක"

    උදාහරණ දක්වන්න

    ReplyDelete
  2. මහාවංශය ලියපු අයයි. එකේ කතෘ කරපු වැරදි ගැන පොතක ලියලා තියෙනවා තිලකා රන්දෙනි මිය. ඒක කියවලා බලන්න. මහාවංශ කතෘගේ ඇත්ත හෙලිකරලා තියෙනවා. පොතේ නම මතක නෑ. book shop එකට ගිහිලා තිලකා රන්දෙනිය මහත්මියගේ පොත් ගැන අහපුවාම හොයලා දෙයි.

    වෙන කොහෙන්වත් උදාහරන දෙන්න ඕන්නැ මහාවංශෙමයි තියෙන්නේ.ගැමුනු කුමාරයාගේ නම් තබන්න කාවන්තිස්ස රජතුමා බුදුන්වහන්සේ වැඩම්වූ බව තියෙනවා. ආයේ තැනක තියෙනවා ගැමුනු කුමාරයා හිටියේ බු.ව.383 කියලා. සුද්ධන්ගේ වැඩ කොච්චර තියෙනවද?

    ඒත් ඒවා හැමෝම තමන්ගේ පොත්වල ලියන්නෑ. භය නැති ඇත්තටම ඉතිහාසය ගැන හොයන අය විතරයි ඒවා එලි කරන්නේ. හොයලා බලන්න හැම එකක්ම ලගට එනකන් ඉන්නැතුව. මොකද හරි ඉතිහාසය හොයන්න ඕනේ තනියම.

    ReplyDelete
  3. "වෙන කොහෙන්වත් උදාහරන දෙන්න ඕන්නැ මහාවංශෙමයි තියෙන්නේ.ගැමුනු කුමාරයාගේ නම් තබන්න කාවන්තිස්ස රජතුමා බුදුන්වහන්සේ වැඩම්වූ බව තියෙනවා"

    ඔබ කියන කරුණ තියෙන්නේ මහාවංසයේ 22 වන පරිච්ඡේදයේ 69 වෙනි ගාථාවේ.

    "ගොතමො නාම ථෙරො ච පතිගණ්හාතු පුත්තකං
    සො ච සරණසික්ඛායො දෙතු සබ්බං තථා අහු"

    ඔබ කියන විදිහට මේ ගෞතම බුදුන් වහන්සේ නම් ඇයි බුදුන් වහන්සේට ගෞතම නම් භික්ෂුව කියලා මෙතන කියන්නේ ?

    පළමු පරිච්ඡේදයේ 11 වෙනි ගාථාවේ තියෙන්නේ මෙහෙම

    "පූරෙත්වා පාරමී සබ්බා පත්වා සම්බොධිමුත්තමං
    උත්තමො ගොතමො බුද්ධො සත්තෙ දුක්ඛා පමොවයි"

    මෙතන තියෙන්නේ ගෞතම බුදුන් කියලා

    අනික බුදුන් වහන්සේට නමින් දක්වලා තියෙන්නේ බොහොම සීමිත අවස්ථා කීපයක. ඒ හැරෙන්න තථාගතො, මහා කාරුණිකො, සම්බුද්ධො වගේ යෙදුම් තමා බුදුන් වහන්සේ දක්වන්න භාවිතා කරලා තියෙන්නේ.

    මේ ගෝතම එහෙමත් නැත්නම් ගෞතම කියන්නේ දුටුගැමුණු රජ දවස වාසය කරපු භික්ෂුවක් බව මහාවංසය නිවැරදිව පරිශීලනය කළා නම් වැටහෙනවා

    මහාවංසයේ 26 පරිච්ඡේදයේ 24, 25 වෙනි ගාථා තමා මේ

    ඝොසෙහි කාලං ඉච්චාහ තිස්සො කාලං අඝොසයි
    සුත්වාන දිබ්බසොතෙන රඤ්ඤො සික්ඛාය දායකො

    ථෙරො පියංගුදීපට්ඨො ථෙරං තත්ථ නියොජයි
    තිස්සං කුටුම්බිකපුත්තං සො තත්ථ නභසාගමා

    සරල තේරුම තමා තිස්ස ඇමතියා කාල ඝෝෂා කලා. ඒ අවස්ථාවේ රජතුමාට ශික්ෂා [තිසරණ පන්සිල්] දීපු හාමුදුරුවෝ පුවඟු දිවයිනේ වැඩ සිටියා. ඇමතිවරයාගේ ඝෝෂාව දිව කනින් අහපු කෙළෙඹි පුත් තිස්ස හාමුදුරුවන්ගේ නියෝගයෙන් නියෝජිතයෙක් විදිහට කලින් කියපු හාමුදුරුවෝ වැඩම කළා කියන එක....

    රජතුමාට ශික්ෂා [[තිසරණ පන්සිල්] දුන්නේ ගෞතම/ ගෝතම කියන හාමුදුරුවෝ බව කලින් ගාථාවේ පැහැදිලිව තියෙනවානේ

    "ගොතමො නාම ථෙරො ච පතිගණ්හාතු පුත්තකං
    සො ච සරණසික්ඛායො දෙතු සබ්බං තථා අහු"

    "හොයලා බලන්න හැම එකක්ම ලගට එනකන් ඉන්නැතුව"
    හොයලා බලන නිසා තමයි හොයලා තියෙන දේවල්වල ගැටළු තැන් නිරාකරණය කරගන්නේ :D

    තිලකා රන්දෙණිය මහත්මියගේ පොත මම හොයා බලන්නම්. ස්තුති ඒ ගැන කිව්වට.

    කෙටියෙන් කියන්න පුලුවන්ද මහානාම හාමුදුරුවෝ කාලිංග දේශේ කෙනෙක් වුනේ කොහොමද කියලා ? මොකද මම හුඟක් තැන්වල මේක කියපු අයගෙන් මේ ප්‍රශ්නේ ඇහුවාට කාටවත් දෙන්න උත්තරයක් තිබුණේ නැහැ

    ReplyDelete
    Replies
    1. මහාවංශ පරිවර්තන 100% නිවෑරදි යැයි ඔබ කියන්නේ කෙසේද?

      භික්ශුවකට බුදුන්වහන්සේගේ නම යොදාගෙන තිබුනු තැන තව තිබේද?

      ගොතම කියන නම කිසිම භික්ශුවකට නොයෙදූ බව සංයුත්ත නිකාය,ඛුද්දක නිකාය, ථේරි අපදාන පාලියේ ස්ථිරවම තියෙනවා.

      මොනාද මේ කියන්නේ ගොතම/ගෞතම නම වෙනින් කිසිම භික්ශුවක් පාවිච්චි කරන්නෑ. ඒක පටහැනි ක්‍රියාවක්.

      Delete
  4. "මහාවංශ පරිවර්තන 100% නිවෑරදි යැයි ඔබ කියන්නේ කෙසේද?"

    මම කිව්වද මහාවංසය 100% නිවැරදි කියලා. මම ඒවාට උපුටන විදිහට දැක්වූවේ ඔබේ කරුණු සමඟ එම කරුණු පරස්පර නිසා

    "ගොතම කියන නම කිසිම භික්ශුවකට නොයෙදූ බව සංයුත්ත නිකාය,ඛුද්දක නිකාය, ථේරි අපදාන පාලියේ ස්ථිරවම තියෙනවා"

    ඒවාට උදාහරණ පෙන්වන්න. ඒ නැතුව පොත්වල නම් කිව්වට වැඩක් වෙන්නේ නැහැ

    "මොනාද මේ කියන්නේ ගොතම/ගෞතම නම වෙනින් කිසිම භික්ශුවක් පාවිච්චි කරන්නෑ. ඒක පටහැනි ක්‍රියාවක්"

    එහෙම නීතියක් තියෙනවා නම් ඒක තිබෙන මූලාශ්‍රයක් ගැනත් සඳහන් කරන්න. බුදුවරයන්ගේ නම් සාමාන්‍ය භික්ෂූන් වහන්සේලාට භාවිතා කරන්න බැහැ කියලා නම් ඔබ කියන්න උත්සහ කරන්නේ වර්තමානයේ පවා "සිද්ධාර්ථ, රේවත, සුමන, සුජාත, කාශ්‍යප, සරණංකර, මංගල, සෝභිත" වැනි නම් වලින් හඳුන්වන භික්ෂූන් වහන්සේලා සම්බන්ධව ඔබ කියන දේත් දැණගන්න කැමතියි

    ReplyDelete
  5. ‎""ගොතම කියන නම කිසිම භික්ශුවකට නොයෙදූ බව සංයුත්ත නිකාය,ඛුද්දක නිකාය, ථේරි අපදාන පාලියේ ස්ථිරවම තියෙනවා"

    නොයෙදූ බව......ස්ථිරවම තියෙනවා......

    යෙදුවා කියනවනම් පෙන්වන්න.

    නැති ඒවා පෙන්වන්නේ කොහෙන්ද?

    ගෝතම කියන්නේ වර්ථමාන බුදුන්වහන්සේ ඔය තියෙන්නේ අතීත බුදුවරුන්ගේ නම්.

    ReplyDelete
  6. ගෞතම බුද්ධ ශාසනය තුළ ගෞතම නමින් භික්‍ෂුවක් සිටිය නොහැක. නමුත් පෙර සිටි පුදුවරුන්ගේ නම් භාවිත කර ඇත. බුදු හිමිගේ නම යොදා ගැනීමට ඇති තමනම පිළිබඳ මූලාශ්‍ර සඳහන්කර ඇත. එය සංයුත්ත නිකාය,ඛුද්දක නිකාය, ථේරි අපදාන පාලිය ලෙස මූලාශ්‍රය දක්වා ඇත.

    ReplyDelete